Аюулгүй байдал, нууцлал

Нэг. Ерөнхий мэдээлэл

eBazaar.mn цахим захиалгын систем нь дараах тохиолдлуудад иргэн, хуулийн этгээдийг /цаашид "Хэрэглэгч" гэх/ мэдээллийг цуглуулна. Үүнд:

Хэрэглэгч гэдэг нь eBazaar.mn цахим захиалгын системд нэвтэрч, өөрийн бүртгэлийг үүсгэн бараа бүтээгдэхүүн нийлүүлж, захиалж буй хувь хүн, хуулийн этгээдийг хэлнэ.
Хэрэглэгч системд бүртгүүлэх үед цахим шуудангийн хаяг болон хэрэглэгчийн үүсгэсэн нууц үг системд хадгалагдана. Хэрэглэгчийн оруулсан нууц үгийг систем шифрлэн кодчилж хадгалах учир хэрэглэгчээс өөр хэн ч нууц үгийг мэдэх боломжгүй юм.
Хэрэглэгч хувийн мэдээллээ оруулах үед таны мэдээлэл системд хадгалагдана.
Хэрэглэгчийн системд хийсэн дараах үйлдлүүдийн мэдээлэл (таны хувийн мэдээлэл, захиалгын мэдээлэл, сонирхож буй бараа бүтээгдэхүүний мэдээлэл гэх мэт) системд хадгалагдана.
Хэрэглэгч FACEBOOK хаягаараа eBazaar.mn худалдааны системд бүртгэл үүсгэсэн бол хэрэглэгчийн мэдээллийг FACEBOOK–с авах бөгөөд (Овог, Нэр, Цахим шуудан, Төрсөн огноо, хүйс гэх мэт) Хэрэглэгчийн нийтэд ил болгохыг зөвшөөрсөн мэдээллүүд системд хадгалагдаж Хэрэглэгч системд нэвтрэх нууц үг оруулснаар Хэрэглэгч болно.

Хоёр. Хэрэглэгчийн мэдээллийг хэрхэн ашиглах нөхцөл

Системийн үндсэн зааварчилгааны дагуу хэрэглэгчийн оруулсан мэдээлэл нь хэрэглэгчийн өмч бөгөөд Е БАЗААР ТРЕЙД ХХК хэрэглэгчийн зөвшөөрөлгүйгээр дор дурдсан нөхцөлөөс бусад хэлбэрээр ашиглахгүй болно.

Захиалсан бараа бүтээгдэхүүнийг хүргэх, захиалгатай холбоотой тодруулах зүйл гарсан тохиолдолд таны мэдээллийг дараах байдлаар ашиглана. Үүнд: таны гар утсанд холбогдох, цахим шууданд мэдээлэл илгээх, хэрэглэгчийн бүртгүүлсэн хаягаар хүргэлт хийх гэх мэт
Системийн ашиг тусын тулд системийн хяналт, сайжруулалт, хөгжүүлэлт, тест хийх
Шинэ бүтээгдэхүүн ба модуль хөгжүүлэх болон тест хийх
Техникийн засвар хийх
Системийн судалгаа ба хяналтад зориулж (нийт хэрэглэгч, захиалга гэх мэт).

Гурав. Хэрэглэгчийн мэдээллийг бусдад түгээх

Е БАЗААР ТРЕЙД ХХК нь хэрэглэгчийн хувийн мэдээллийг гуравдагч этгээдэд ашиглуулахгүй, түгээхгүй бөгөөд үйлчилгээний хэрэгцээнээс гадуур аливаа зорилгоор ашиглахгүй болно.

Дөрөв. Хэрэглэгчийн мэдээллийг хадгалах

Е БАЗААР ТРЕЙД ХХК нь хэрэглэгчийн системд оруулсан мэдээллийг Amazon EC2 дэх өөрийн серверт хадгална. Хэрэглэгч системд нэвтрэх нэр, нууц үгээ аюулгүй хадгалах нь хэрэглэгчийн анхаарах чухал зүйл юм.
Нэвтрэх нэрээ бусдад алдсанаас үүдэлтэйгээр үүссэн аливаа хор, хохирлыг Е БАЗААР ТРЕЙД ХХК хариуцахгүй болно. Е БАЗААР ТРЕЙД ХХК нь таны хандах эрхийг ашиглан таны мэдээлэлд нэвтрэх боломжгүй болно.

Тав. Хэрэглэгчийн мэдээллийн удирдах сонголтууд

Хэрэглэгч хувийн мэдээлэл болон өөрийн дансны тохиргоогоо хэдийд ч өөрчлөх боломжтой.
Хэрэглэгч системийн цахим шуудангийн үйлчилгээнээс өөрийгөө хасуулах боломжтой.
Хэрэв хэрэглэгч өөрийн эрхээ идэвхгүй болгосон бол хэрэглэгчийн мэдээллийг системд дүрслэхгүй. Систем хэрэглэгчийн мэдээллийг хэрэглэгч идэвхтэй горимд орох хүртэл хадгална.

Зургаа. Нууцлалын баталгааны журмын шинэчлэлт

Е БАЗААР ТРЕЙД ХХК ХХК нь Нууцлалын бодлогод өөрчлөлт оруулах эрхтэй. Нууцлалын бодлогод өөрчлөлт оруулсан тохиолдолд тухай бүр eBazaar.mn сайт дээр нийтэд нээлттэй нийтлэх бөгөөд хэрэглэгч нь танилцах үүрэг хүлээнэ.
Хэрэглэгчийг захиалга хийгдэх үед хүчинтэй байсан "Нууцлалын баталгаа" захиалгыг хүргэх шатанд өөрчлөгдсөн тохиолдолд өмнөх "Нууцлалын баталгаа"-г бараа бүтээгдэхүүнийг хүлээж авах хүртэлх хугацаанд хүчинтэйд тооцно.